TABERNAEMONTANUS Joh

TABERNAEMONTANUS Joh

Theodorus, a Tabernis-Montanis natali solo nomen nactus, Archiater Electoris Palatini, Marquardi Episcopi Spirensis aliorumque Principum virorum, Wormatiâ, ubi Physicus Ordinarius erat, Heidelbergam migravit. In Medicina facienda, extra Theriacum et Mithridaticum, paucissimis usus exoticis, Deum herbis nostratibus vites indidisse corporibus nostris familiares, statuit: in obsidione Metensi certe A. C. 1552. cum castrensem ageret Medicum, multos globis tormentorum ictos artemisiae saltem pulvere curavit. Obiit A. C. 1590. pater 18. liberorum, inter quos Ioh. Iacobus et Phil. Iacobus itidem Medicinae laude floruerunt. Elucubravit, Herbarium 36. annorum spatiô congestum, in quo ultra 3000. simplicium continentur; Hieror. Bauhini Medici clariss. Basiliensis operâ haud pridem insigniter locupletatum: it. Thesaurum Thermarum et Acidularum, cum titulo Wasserschatz. Melch. Adami Vitis Medicor.